“Беш-Арча” жана “Кадамжай Майнинг” ЖЧКлары тарабынан аз камсыз болгон үй-бүлөлөргө акысыз көмүр таркатылууда

Майдан айыл аймагында жайгашкан “Беш-Арча” жана “Кадамжай Майнинг” жоопкерчилиги чектелген коомдору тарабынан айыл өкмөттүн аймагындагы аз камсыз болгон үй-бүлөлөргө акысыз көмүр таркатуу иш-чарасы жүрүп жатат.

Бул кайрымдуулук демилгеси айыл тургундарынын кышкы жылуулук маселесин чечүүгө көмөк көрсөтүү жана коомдук жоопкерчиликти аткаруу максатында уюштурулууда.

Айыл өкмөтүнүн маалыматы боюнча, көмүр биринчи кезекте муктаж болгон, мүмкүнчүлүгү чектелген жана жалгыз бой жашоочуларга жеткирилип берилүүдө. Бул сыяктуу аракеттер коомдук ынтымакты жана социалдык колдоону чыңдоодо чоң мааниге ээ экени белгиленди.