Көк-Талаа айылынын У.Исаков көчөсүндө оңдоо иштери жүрүүдө

Майдан айыл аймагына караштуу Көк-Талаа айылынын У.Исаков көчөсүндө жол оңдоо иштери жүргүзүлүүдө. Бул иштер жергиликтүү тургундардын коопсуз жана ыңгайлуу жүрүп турушун камсыздоо, ошондой эле айыл ичиндеги инфраструктураны жакшыртуу максатында башталган.

Айыл өкмөтүнүн маалыматына ылайык, оңдоо иштерине атайын техника тартылып, жолдун сапатын жогорулатуу үчүн шагыл төшөлүүдө жана тегиздөө иштери аткарылууда. Жергиликтүү тургундар бул демилгени жылуу кабыл алып, ыраазычылыгын билдирүүдө.

Иш-аракеттер айыл аймагынын өнүгүүсүнө багытталган пландын негизинде улантылмакчы.