Майдан айыл аймагында жаңы шайланган депутаттарга күбөлүктөр тапшырылып, айылдык Кеңештин төрагасы шайланды

Майдан айыл аймагынын айылдык Кеңешине жаңыдан шайланып келген депутаттарга Кыргыз Республикасынын Борбордук шайлоо комиссиясынын атынан Кадамжай аймактык шайлоо комиссиясынын өкүлү Т.Арыков расмий түрдө депутаттык күбөлүктөрдү тапшырды.

Ошондой эле, айылдык Кеңештин төрагасын шайлоо иштери өтүп, төрагалыкка үч талапкер көрсөтүлдү. Шайлоонун жыйынтыгы менен Юлдашов Анваржон Кулмаматович көпчүлүк добуш менен айылдык Кеңештин төрагасы болуп шайланды.

Бул маанилүү саясий окуя айылдык өз алдынчалуулукту чыңдоого жана жергиликтүү бийлик органдарынын ишин илгерилетүүгө багытталган кадамдардын бири катары бааланды.