Майдан айыл аймагында социалдык контракт алган жарандарга окуу өткөрүлүп, азык-түлүк жардамдары берилди

Майдан айыл аймагында БУУнун Азык-түлүк программасынын алкагында 2022-2023-жылдары социалдык контракт алган аз камсыз болгон жана мүмкүнчүлүгү чектелген жарандар үчүн атайын окуулар өткөрүлдү.

Окуу курсунун негизги максаты – жарандардын турмуш шартын жакшыртуу жана өз алдынча киреше табууга шарт түзүү болгон. Окуу ийгиликтүү аяктаган катышуучуларга колдоо катары ар бирине 3 кап ун жана 15 литр өсүмдүк майы берилди.

Бул иш-чара БУУнун Азык-түлүк программасы менен айыл өкмөтүнүн кызматташуусунун жыйынтыгы болуп, коомчулуктун муктаж катмарына жардам көрсөтүүдө маанилүү кадамдардын бири болуп эсептелет.