Майдан айыл аймагында сел коркунучунун алдын алуу иштери жүрүүдө

2025-жылдын май айында Майдан айыл аймагында табигый кырсыктардын алдын алуу чаралары көрүлүүдө. Өзгөчө кырдаалдар министрлиги менен тыгыз кызматташтыкта Кара-Жыгач жана Майдан айылдарында сел коркунучуна каршы алдын алуу иштери жүргүзүлүүдө.

Аталган айылдарда сел жүрүү коркунучу бар тилкелерде суу агымын токтотуп, коопсуз багытка буруу максатында габион торлору орнотулууда. Бул иштер калктын коопсуздугун камсыз кылууга жана мүмкүн болуучу зыяндарды азайтууга багытталган.

Сел коркунучун алдын алуу иш-чаралары Майдан айыл аймагындагы жашоочулар үчүн өтө маанилүү болуп саналат жана бул багыттагы иштер мындан ары да улантылат.