Майдан айыл аймагынын Сары-Алтын жана Майдан айылдарындагы ички жолдорго айыл өкмөтү тарабынан кум жана шагыл төшөө иштери аткарылууда.

Аталган иштер айыл ичиндеги жолдордун абалын жакшыртуу, автоунаалардын жана жөө жүргүнчүлөрдүн коопсуз жүрүүсүн камсыз кылуу, ошондой эле тургундар үчүн ыңгайлуу шарттарды түзүү максатында жүргүзүлүүдө.

Айыл өкмөтү тарабынан ички жолдорду оңдоо жана инфраструктураны жакшыртуу багытындагы иштер мындан ары да улантылат.