Арпа-Сай айылында Үй-бүлөлүк дарыгерлер тобунун (ҮДТ) имараты капиталдык оңдоп-түзөөдөн өткөрүлдү.

Оңдоо иштеринин алкагында имараттын ички жана сырткы бөлүктөрү жаңыланып, керектүү коммуникациялар калыбына келтирилди. Медициналык кызмат көрсөтүү үчүн ыңгайлуу шарттар түзүлүп, калкты сапаттуу тейлөөгө мүмкүнчүлүк кеңейтилди.

Бул долбоор АРИС программасынын жана жергиликтүү бюджеттин колдоосу менен ишке ашырылып, айыл тургундары үчүн медициналык кызматтын жеткиликтүүлүгүн жана сапатын жогорулатууга багытталган.

Майдан айыл өкмөтү социалдык объектилерди жакшыртуу иштерин мындан ары да улантат.